| العيب الوحيد فى مركز جامعة القاهرة للتعليم المفتوح | |
|
+28ليلى محمد عبدالله mahmoud aw adel elkassar العمدة عمرو شرف علاء موسى سيد محمود sondos hassan mahmoud_ibm81 احلام احمد ابو القاسم رفعت سيد عماد يوسف أحمدمحمدهمام abeed pinky girl blank name kaponii Shebl Clup Life FRHAT ابو رزق مروى سامى مصطفى سمسمة zika فاطمة الوكيل الشاكر لله خالد 32 مشترك |
|
كاتب الموضوع | رسالة |
---|
خالد المشرف العام
عدد المساهمات : 378 معدل النشاط : 481 مكان الامتحان : القاهرة الكلية : الحقوق الترم : تم التخرج
| موضوع: العيب الوحيد فى مركز جامعة القاهرة للتعليم المفتوح الثلاثاء 28 فبراير 2012, 7:33 pm | |
| الحكاية وما فيها ( المشكلة والحلول)
تعرض خريجي كلية الحقوق بالتعليم المفتوح في الفتره الاخيرة الي تعنت نقابه المحامين بعدم قيدهم بالنقابه لعدم حصولهم علي الثانويه العامه وهو ما كان له الاثر السيئ في نفوس هؤلاء الخريجين بعد عناء وجهد و مصاريف اربعه سنوات كاملة من الدراسه والاجتهاد للوصول لحلمهم المشروع . وقام هؤلاء الخريجين بالاعتصام والتظاهر امام النقابه وترديد بعض الشعارات ، واني اري ان مثل هذه الاساليب لا تجدي لحل المشكلة ، فحل المشكله لن يأتي هكذا
.. وبالنظر الي المشكلة بصفه عامه نجد ان هؤلاء الخريجين ليس لهم أي ذنب اقترفوه سوي انهم التمسوا طريق العلم بسلوك مشروع وبناء علي قرار من المجلس الاعلي للجامعات و قرار من مركز جامعه القاهرة للتعليم المفتوح ، وهذا القرار فيه من التمييز ما يكفي حيث انه اجل تقدم طالب التعليم المتوسط خمس سنوات كامله وهو ما يضمن ان يتخرج زميله في نفس سنه طالب الثانويه العامه بعام دراسي كامل ثم يبدا هو بالتقدم بالجامعة ( الا يكفي هذا التمييز )
سنقف عند هذا الحد في وصف الحكايه ( المشكلة ) حتي لا اطيل عليكم واتجه سريعا الي مقترحات الحلول
اولا : لا يجب ان يقف المجلس الاعلي للجامعات ولا مركز جامعه القاهرة للتعليم المفتوح موقف المتفرج فهم اساس الحكايه ( المشكلة ) ولا بد من تحمل مسئولياتهم تجاه قراراتهم ، فلابد للشهادة التي يحصل عليها الطالب ان يكون معترف بها من جميع الجهات وبطبيعه الحال من نقابتهم ، حتي لا يكون الهدف من فتح باب التقديم في هذا البرنامج هدف ربحي بحت
ثانيا: ضرورة عقد لقاءات بين مركز جامعه القاهرة للتعليم المفتوح و نقابه المحامين للوصول لحل لهذه المشكلة ،، واقترح حل هو دراسه بعض المقررات التي تكون معادله بين شهادة التعليم المتوسط و الثانويه العامه
ثالثا : ضرورة ايقاف هذا النظام لطلاب التعليم المتوسط حتي الوصول الي حل لهذه المشكلة حتي لا يزداد عدد المظلومين من هذا القرار
هذه بعض المقترحات والتي اري انه لا بد من ادخال المجلس الاعلي للجامعات ومركز جامعه القاهرة للتعليم المفتوح في المشكلة حتي يتحملوا مسئولياتهم تجاه قراراتهم
اسف للاطاله خالد
| |
|
| |
الشاكر لله Admin
عدد المساهمات : 536 معدل النشاط : 888 مكان الامتحان : القاهرة الكلية : الحقوق الترم : تم التخرج
| موضوع: رد: العيب الوحيد فى مركز جامعة القاهرة للتعليم المفتوح الثلاثاء 28 فبراير 2012, 8:55 pm | |
| [ [ندعوك للتسجيل في المنتدى أو التعريف بنفسك لمعاينة هذه الصورة]] اولا بشكرا الاستاذ خالد لطرحه لهذه المشكله التى يعانى منها الكتير ثانيا اود ان اذكر المشكله بشئ من التفصيل لان كثير اً من الطلاب لا يعلم عنها اي شئ وتتلخص هذة المشكله ف الاتى عند وصول الطالب للترم الثامن ونجاحه وحصوله ع شهادة الليسانس وهوة ف طريقه الي نقابه المحامين لاستخراج كارنيه المحاماه يفاجئ بهذا الشرط؟؟يشترط لقيد خريجى التعليم المفتوح ان يكون الطالب حاصل ع ثانويه عامه قبل دخوله التعليم المفتوحيعنى بعد اربع سنوات مذاكرة وسهر وتكاليف ماليه كل دا ف الاخر = شهادةغير معترف بيها ؟؟طيب احنا كلنا عارفين ان التعليم المفتوح تم انشائه بقرار جمهوري والمواد اللي بيدرسها طالب التعليم المفتوح هى هى نفس مواد طالب الانتظامى مع الاختلاف ف بعض المسميات يبقي ازاى النقابه ترفض تسجيل هؤلاء الطلاب ؟؟وانا مع الاستاذ خالد ف كل اقترحاته واتمنى ان يصل صوت هؤلاء الطلاب للمجلس الاعلي للجامعات ولا سيما رئيس مجلس ادارة التعليم المفتوح الدكتور حسام كامل ......اتمنى من كل طالب لديه اي اقتراحات لحل هذه المشكله فليضعها مشكورا ف هذا الموضوع [/center] | |
|
| |
فاطمة الوكيل من عظماء كليه الحقوق
عدد المساهمات : 52 معدل النشاط : 68
| موضوع: رد: العيب الوحيد فى مركز جامعة القاهرة للتعليم المفتوح الثلاثاء 28 فبراير 2012, 9:34 pm | |
| السلام عليكم ورحمة الله
رغبة منى فى تصحيح اى مفهوم خاطئ سأروى عليكم الآتى:
عندما بدأ التعليم المفتوح فى جامعة القاهرة كانت تشرف عليه جامعة بنى سويف
وكان يقوم برئاسته الدكتور نبيل الشاذلى رحمة الله عليه واسكنه فسيح جناته
وكان من أهم شروط القبول هو حصول الطالب على شهادة الثانوية العامة ومرور خمسة سنوات على الاقل من تاريخ الحصول عليها.
وبعد نزاعات وخلافات ومحاولات اصبحت جامعة القاهرة هى الجامعة التى تشرف على التعليم المفتوح
ولأن البحر يحب الزيادة فتح التعليم المفتوح باب القبول للحاصلين على الشهادات المتوسطة دون التنسيق مع
النقابة وعندما علمت النقابة بنية المافقة على هذا القرار فأدرجت هذا الشرط بسرعة البرق فى لائحتها
الداخلية .
ويعنى ذلك ان الجامعة لم تكترث قبل اصدار مثل هذا القرار وكان المهم الربح ثم الربح ثم الربح
ولم تعلن للطلبة المتقدمين عن هذه الحقيقة المرة حتى لايتراجعوا عن عملية التسجيل.
وحتى لااطيل عليكم اكثر من ذلك اعرض لكم الحل القانونى لهذه المشكلة:
الحل الوحيد هو رفع دعوى من قبل من تخرجوا وتضرروا من رفض النقابة لتقييدهم
وهذه الدعوى ترفع امام القضاء الادارى وسوف تستغرق هذه الدعوى حوالى سنة حتى يحصلوا على حكم
نهائى يجبر النقابة على تسجيلهم وعرضت هذه الدعوى بالفعل على استاذ دكتور وقبل القيام بها فى مقابل
30 الف جنيه ويقوم بعض الخريجين بتجميع بعضهم البعض للقيام بهذه المسألة
وادعو الله بكل التوفيق للجميع وتحقيق المنى
تحياتى
فاطمة الوكيل | |
|
| |
zika عضو نشيط
عدد المساهمات : 84 معدل النشاط : 98
| موضوع: رد: العيب الوحيد فى مركز جامعة القاهرة للتعليم المفتوح الثلاثاء 28 فبراير 2012, 11:25 pm | |
| السلام عليكم أعضاء المنتدى الكرام طبعا هى مشكلة بتواجه خريجى كلية الحقوق بنظام التعليم المفتوح الى الان وهى عدم قيدهم فى النقابة لحاملى الدبلومات الفنية, واللى من بينهم دكاترة كبار فى كلية الحقوق جامعة القاهرة من الذين كانوا حاصلين على دبلوم! طيب دلوقتى فى طلب القيد بجدول النقابة أضيف شرط على انة ملحوظة تقديم شهادة الثانوية العامة لخريجى التعليم المفتوح وطبعا لأ قانون ولأدستور بيقره دة من تأليف النقابة, وأن كنت أنا مع النقابة فى شرط الثانوية العامة لأن كلية الحقوق كانت لأ تقبل دونا عن باقى كليات بنظام التعليم المفتوح الا خريجى الثانوية العامة,ولكن السؤال الان ما الذى يخص مرحلة الثانوية وأنا قد حصلت على الليسانس الحقوق والخاص بنقابة المحامين وليق المجلس الاعلى للجامعات مسمعناش أنة أقر حقوق الخريجين من حملة الدبلومات وأين المركز الذى نحنن نتبعة, والله مش عارف أقول أية هى بقت تجارة بس وأين العدل والمساواة ويانقابة بسهولة تقولى مش هقيد هؤلاء ,يعنى أعتقد للتأكد منكن تقبلى الحاصلين يتقدير جيد ودة من سنة 2012 يعنى المتقدمين الجدد, ليه سمحوا للدبلومات دخول الجامعة من أساسة لما نقابتهم مبتعترفش بيهم أخير لأ تعليق وأعتقد أنة حق الناس دى كلها فى القيد رغما عن نقيب المحامين اللى لسة منتخب حديثا وبدل ما يطور من نفسة ومن نقابته وبالتالى المهنة أول حاجة شافها اية اللى يعقد الناس وأخير وأسف طبعا للتطويل لازم ولابد ودة رأيى الشخصى جميع طلاب كلية الحقوق التعليم المفتوح حاليا والمقيدين بالمركز(من حاملى الدبلومات الفنية) عدم التسجيل للترم الجديد ووقف التعامل مع مركز القاهرة للتعليم المفتوح حتى حل هذة المشكلة & ولا أية رأيكم
شكرا للجميع والسلام عليكم ورحمة الله وبركاته | |
|
| |
سمسمة مشرفه
عدد المساهمات : 490 معدل النشاط : 750 الكلية : الحقوق
| موضوع: رد: العيب الوحيد فى مركز جامعة القاهرة للتعليم المفتوح الأربعاء 29 فبراير 2012, 7:01 pm | |
| السلام عليكم ورحمة الله وبركاته اولا احب اقولكم موضوع شرط الحصول على ثانوية عامة انا فى نظرى بعتبره شرط مهم جدا ازاى يكون واحد محامى حاصل على دبلوم انا مع نقابة المحامين فى هذا القرار وانا عارفة ان الكل هيزعل منى وبعدين لو حد واخد دبلوم وعايز يكمل حقوق المفروض يذاكر ثانوية عامة منازل وبعد كدة هيكون من حقه انه يحصل على كارنيه النقابة | |
|
| |
الشاكر لله Admin
عدد المساهمات : 536 معدل النشاط : 888 مكان الامتحان : القاهرة الكلية : الحقوق الترم : تم التخرج
| موضوع: رد: العيب الوحيد فى مركز جامعة القاهرة للتعليم المفتوح الأربعاء 29 فبراير 2012, 8:05 pm | |
| - سمسمة كتب:
- السلام عليكم ورحمة الله وبركاته
اولا احب اقولكم موضوع شرط الحصول على ثانوية عامة انا فى نظرى بعتبره شرط مهم جدا ازاى يكون واحد محامى حاصل على دبلوم انا مع نقابة المحامين فى هذا القرار وانا عارفة ان الكل هيزعل منى وبعدين لو حد واخد دبلوم وعايز يكمل حقوق المفروض يذاكر ثانوية عامة منازل وبعد كدة هيكون من حقه انه يحصل على كارنيه النقابة طبعا لكل شخص وجهة نظر خاصه بيه واحيانا كتيرة تتعارض مع الاراء الاخري ولكن احب اوضح لحضرتك شئ من خلال مصادفتى مع شخص حاصل ع دبلوم فنى ولكن هوة الان معيد ف كليه ؟؟ معنى ذلك ان مفيش اي فرق بين حاصل ع دبلوم ولا حاصل ع ثانويه عامه ولكن كلاً ع قدر مجهوده ؟؟ وزى ماقالت المستشارة فاطمه الوكيل لابد من رفع دعوى لالغاء هذا الشرط ولابد من تدخل مجلس ادارة التعليم المفتوح بجامعة القاهرة لانه هو اساس المشكله من البدايه ؟؟ وع فكرة يا سمسمه انا حاصل ع ثانويه عامه ومعنديش المشكله دى ولكن كلمه الحق لابد ان تقال... | |
|
| |
خالد المشرف العام
عدد المساهمات : 378 معدل النشاط : 481 مكان الامتحان : القاهرة الكلية : الحقوق الترم : تم التخرج
| موضوع: رد: العيب الوحيد فى مركز جامعة القاهرة للتعليم المفتوح الأربعاء 29 فبراير 2012, 10:38 pm | |
| السلام عليك بدايه اتوجة بخالص شكري واعتزازي لكل الزملاء الذين اسعدتني مشاركتهم الفعاله في هذا الموضوع الدكتورة / فاطمة والاستاذ / كامل والاستاذ/ زيكا والاستاذة/ سمسمة اشكر لهم اهتمامهم وصدق تعاونهم و متابعتهم المستمرة للمنتدي وكنت اود منهم جميعا ان تشتمل ارائهم علي بعض المقترحات لحل المشكلة وكيفيه التعامل معها بغض النظر عن أي طرف من الاطراف
ثانيا اتوجة بالحديث للاستاذة / سمسمة ، فلا يغضب أي منا من أي رأي تعبري به ، فلن ولم يغضب احدا مطلقا منك او يعارض أي وجهه نظر تبديها في أي موضوع ، فعندما نطرح أي موضوع فهو ليس للتصويت عليه لاقرارة فنحن هنا لسنا من متخذي القرار ، ولكننا جميعا هنا لابداء الاراء حتي يستفيد كل منا من الاخر ،
وكنت اتمني من الأستاذة / سمسمه ان تحلل لي بعض مقترحاتي التي أبديتها في الموضوع حتي يستفيد منها الجميع وان تقوم بالرد بالأسانيد والحجج القانونية وذلك ان توضح لي ما هو الفارق بين مسمي التعليم الثانوي والتعليم الفني وكذلك أي المقررات التي تمثل رابط بين التعليم الثانوي و ليسانس الحقوق ، ام هي مجرد شكليات مجردة من أي تطور . وكذلك اطلب منك استاذه / سمسمة ان تقدمي لنا مقترحاتك لحل المشكلة وكيفيه التعامل معها
دمتم جميعا بكل الخير
| |
|
| |
سمسمة مشرفه
عدد المساهمات : 490 معدل النشاط : 750 الكلية : الحقوق
| موضوع: رد: العيب الوحيد فى مركز جامعة القاهرة للتعليم المفتوح الخميس 01 مارس 2012, 4:10 pm | |
| السلام عليكم ورحمة الله وبركاته يا استاذ خالد انا اساسا مش مقتنعة بان من حصل على ثانويى فنى انه يقدم فى كلية حقوق شان كدة مش هقدر اشارك باقتراح ولا حل للمشكلة . سؤال بسيط ينفع دكتور الاسنان يوصف علاج لمريض القلب ؟ اكيد لأ
| |
|
| |
خالد المشرف العام
عدد المساهمات : 378 معدل النشاط : 481 مكان الامتحان : القاهرة الكلية : الحقوق الترم : تم التخرج
| موضوع: رد: العيب الوحيد فى مركز جامعة القاهرة للتعليم المفتوح الخميس 01 مارس 2012, 4:27 pm | |
| استاذة / سمسمة اشكرك علي ردك واسألك انا امال الحقوق مختصه بأي ثانويه اي نظام من انظمة الثانوي التي يتم فيها دراسه مقررات مرتبطه بكليه الحقوق
و بغض النظر عن اقتناعك الشخصي من عدمة فحلول المشاكل ومقترحاتها لا تحل بالنقناعات الشخصية بل النصوص والقوانين يا مستر
دمتي بكل الخير | |
|
| |
مروى سامى مصطفى عضـــو جديد
عدد المساهمات : 13 معدل النشاط : 26 العمر : 51 الكلية : اداب الترم : السادس
| موضوع: رد: العيب الوحيد فى مركز جامعة القاهرة للتعليم المفتوح الخميس 01 مارس 2012, 4:57 pm | |
| [ثانيا: ضرورة عقد لقاءات بين مركز جامعه القاهرة للتعليم المفتوح و نقابه المحامين للوصول لحل لهذه المشكلة ،، واقترح حل هو دراسه بعض المقررات التي تكون معادله بين شهادة التعليم المتوسط و الثانويه العامه
ثالثا : ضرورة ايقاف هذا النظام لطلاب التعليم المتوسط حتي الوصول الي حل لهذه المشكلة حتي لا يزداد عدد المظلومين من هذا القرار
هذه بعض المقترحات والتي اري انه لا بد من ادخال المجلس الاعلي للجامعات ومركز جامعه القاهرة للتعليم المفتوح في المشكلة حتي يتحملوا مسئولياتهم تجاه قراراتهم كلامك تمام واقتراحاتك ممتازة واحب اضيف ان اللى اتجة للتعليم الفنى مش انسان منبوذ ولا مختلف ممكن تكون الظروف ساعتها اجبرتة انة يلتحق بالتعليم الفنى واما ربة يسر لة انة يكمل اختار كلية الحقوق هوة حر ف اختيارة ولازم النقابة تشجعة مش تعترض علية مهو لو عاوز بكاليوس والسلام ولا ليسانس والسلام كان معلش دخل تجارة او اى كلية تانية مع كامل احترامى لجميع الكليات بس انا بقول مثلا يعنى لكن الانسان المحترم دة اختار حاجة هوة شايف انها مناسبة لميولة وهيحقق فيها ذاتة يبقى لية نقف ف وشة ونقفلها علية مفروض التفكير يتغير بقى وندى فرصة للمبدعين ف كل مجال مش نفرق بين التعليم الفنى والعام طب اما انتوا اما مش عاجبكوا التعليم الفنى بتعملوة لية ؟؟؟؟؟؟؟؟؟ولا هية تلاكيك اسفة للاطالة بس اتحمقت شوتين | |
|
| |
خالد المشرف العام
عدد المساهمات : 378 معدل النشاط : 481 مكان الامتحان : القاهرة الكلية : الحقوق الترم : تم التخرج
| موضوع: رد: العيب الوحيد فى مركز جامعة القاهرة للتعليم المفتوح الخميس 01 مارس 2012, 6:12 pm | |
| هههههههههههههههه لالا دة انتي علشان الكلمتين الحلوين دول ليكي الحق تتحمقي 3 او 4 مرات .. والا اقولك خليهم 5 علشان الحسد
اشكرك علي مرورك الكريم واشكرك علي مشاركتك
اجمل كلماتك دة اختار حاجة هوة شايف انها مناسبة لميولة وهيحقق فيها ذاتة يبقى لية نقف ف وشة ونقفلها علية مفروض التفكير يتغير بقى وندى فرصة للمبدعين ف كل مجال
اشاركك الراي بكل تأكيييييييييييييييييد
دمتي بكل الخير | |
|
| |
سمسمة مشرفه
عدد المساهمات : 490 معدل النشاط : 750 الكلية : الحقوق
| موضوع: رد: العيب الوحيد فى مركز جامعة القاهرة للتعليم المفتوح الخميس 01 مارس 2012, 7:31 pm | |
| والله يا مستر خالد اللى انا شايفاه ان معظم اللى داخلين جامعة مفتوحة مش حبا فى الدراسة ولكن ليهم هدف معظمهم موظفين وعايزين تسويات وبعدين انا مقولتش ان التعليم الفنى وحش بالعكس التعليم الفنى بيطلع مهندسين ودكاترة جامعات ومحاسبين يعنى لكل حاجة تخصص معين وبعدين مدام الشخص طموحاته كبيرة بالمرة يدرس ثانوية عامة ومش هيخسر حاجة وعلى فكرة التعليم الفنى اصعب كتير من الثانوية العامة وبعدين هقولكم على حاجة انا دلوقتى عايزة ادخل كلية طب ومش معايا ثانوية عامة هضطر انى اذاكر ثانوية عامة عشان احقق هدفى وناس كتير عملت كدة وربنا يوفق الجميع | |
|
| |
ابو رزق عضـــو جديد
عدد المساهمات : 5 معدل النشاط : 9 العمر : 45 مكان الامتحان : المنصورة
| موضوع: دعوة بعد هذا القرار السبت 03 مارس 2012, 12:59 am | |
| بعد السلام عليكم ورحمة الله وبركاته احب ان انوه لحضراتكم ما سبب هذا القرار هذا القرار بدأ عند ترشيح الاستاذ سامح عاشور لنقابة المحامين فى الانتخابات قبل اللى فاتت والذى كان هو كان نقيب المحاميين وحب ان يرشح نفسه لفترة ثانية مماثلة فاخترع ها القرار لكسب والتفاف المحامين حواله و يتحايل على شروط التقيد بالنقابة والتحايل عليهم بانه يحافظ عليهم وعلى حقوقهم وحقوق النقابة وكسب ثقتهم فيه ووضع هذا القرار التعسفى اثناء وجوده نقيب المحامين
كما تعلما فى النظم السياسية
دراسة ( جماعات الضغط )
من وجهة نظرى ورائى الشخصى اتمنى الاتى يا اخواتى وزملائى الكرام الاجلاء القرار هذا لا يمس الذين تخرجوا بعينهم بل يمس جميع طلاب التعليم المفتوح فى شتى بقاع كليات الحقوق على مستوى الجمهورية تعليم مفتوح منهم من تخرج ومنهم لسة بيدرس لانه قرار مصيرى ومستقبلهم ايضا فى المستقبل تعالوا نحدد يوم ونبدا نطالب بحقنا ونحاسب من يقف امام مستقبلنا مهما كان شخصيته وهذه دعوة لابناء كلية الحقوق بجميع الجامعات المصرية نظام التعليم المفتوح وانا اقترح اول يوم محاضرات لنا ويوم بدا اول يوم دراسة للتعليم المفتوح ايه رايكم مع العلم مشاركة الذين تخرجوا ايضا معنا
| |
|
| |
FRHAT عضو جديد
عدد المساهمات : 2 معدل النشاط : 2 مكان الامتحان : القاهره الكلية : الحقوق الترم : الثانى
| موضوع: رد: العيب الوحيد فى مركز جامعة القاهرة للتعليم المفتوح الخميس 08 مارس 2012, 11:14 pm | |
| السلام عليكم انافى الترم الثانى والحقيقه لم اعلم بهذاالامر الا بعدالتحاقى بالجامعه وانا بدرس الحقوق لحبى الشديد واناخريج دبلوم متوسط واتمنى ان تنتهى هذه المشكله لانها تؤثر على معنوياتى واريد ان اشارك لحل هذه المشكله
| |
|
| |
Shebl Clup Life عضو جديد
عدد المساهمات : 2 معدل النشاط : 2
| موضوع: رد: العيب الوحيد فى مركز جامعة القاهرة للتعليم المفتوح الإثنين 26 مارس 2012, 3:30 pm | |
| احب اقول لى خريجه الثانويه العامه اللى بتقول .....وعايز يكمل حقوق المفروض يذاكر ثانوية عامة منازل وبعد كدة هيكون من حقه .......... انا دبلوم فنى ,كنت قبل كده ثانويه عامه علمى ,سبتها عارفه ليه ......عشان اتعقدت من الناس المغروره زيك كده .....بجد انتى انانيه ...... أكيد أنتى زعلتى .......بلاش بقى نجرح فى الناس بتاع الدبلومات .....هما مش اقل منك يا بتاع اللغات .... بجد لو فيه منك كده كتير أكيد مصر هتتقدم 100 سنه بس للخلف......ربنا يعينك على حب النفس.....أكيد كل الناس فهموا الرؤيه البنأه بتاعتك.......
| |
|
| |
kaponii عضو نشيط
عدد المساهمات : 26 معدل النشاط : 42 الكلية : حقوق الترم : رابع
| موضوع: رد: العيب الوحيد فى مركز جامعة القاهرة للتعليم المفتوح الإثنين 26 مارس 2012, 5:48 pm | |
| الاخت سمسمة بتقول رايها ليه الهجوم دا كلة عليها؟
| |
|
| |
سمسمة مشرفه
عدد المساهمات : 490 معدل النشاط : 750 الكلية : الحقوق
| موضوع: رد: العيب الوحيد فى مركز جامعة القاهرة للتعليم المفتوح الإثنين 26 مارس 2012, 5:52 pm | |
| السلام عليكم ورحمة الله وبركاته انا بس عايزة ارد على الاستاذ shebl اكيد طبعا انا زعلت من الكلام اللى حضرتك بتقوله حضرتك متعرفنيش عشان تقول عليه انى مغرورة وانانية وبعدين المفروض فى اسلوب للرد على الناس وبعدين لو حضرتك قرأت كويس الكلام اللى انا كتباه كنت تشوف انى كتبه ان التعليم الفنى اصعب من الثانوية العامة وببتخرجوا منها دكاترة ومهندسين و كل حاجة ولها تخصص معين وعلى فكرة احب اقولك حاجة انا فى نظرى عندى لو واحد حصل على دبلوم فنى وبعدها حصل على مؤهل عالى وتخرج وبئأ مهندس احسن مية مرة عندى من مهنة المحاماه وناس كتير فى احسن المناصب حاصلين على دبلومات وكملوا كليات واللى حضرتك وباقى اللى الاعضاء مش فاهمينه ان ردى ده كان سين بين المشرفين مع بعض وهمه فاهمين كلامى اقصدبيه ايه وعارفين انى بهزر معاهم وبعدين يا استاذ shebl ده فى الاول والاخر تعليم مفتوح سواء حاصل على ثانوية عامة او حاصل على دبلوم فنى وكلنا هنحصل على ليسانس حقوق تعليم مفتوح واللى هيفرق فى الشهادة التقدير يا رب تكون فهمت ومتقولش انى مغرورة او انانية ويكون فى اسلوب اشيك من كدة فى الكلام واخيرا احنا سعداء بيك جدا فى المنتدى وسعداء بمشاركتك ويارب تستفاد وتفيد باقى االاعضاء وربنا يوفقك فى دراستك | |
|
| |
خالد المشرف العام
عدد المساهمات : 378 معدل النشاط : 481 مكان الامتحان : القاهرة الكلية : الحقوق الترم : تم التخرج
| موضوع: رد: العيب الوحيد فى مركز جامعة القاهرة للتعليم المفتوح الإثنين 26 مارس 2012, 9:34 pm | |
| السلام عليكم بدايه اشكر كل من ساهم في هذا الموضوع ولكن عندي عتاب علي بعض المساهمات
الاستاذ /Shebl Clup Life بدايه اشكر انضمامك لمنتدانا واود ان أوضح لحضرتك اننا هنا في المنتدي شركاء في كل شئ فلا يغضب أي منا من أي رأي ، فلم ولن يغضب احدا او يعارض أي وجهه نظر يبديها اي عضو في المنتدي ، وكما قلت من قبل فعندما نطرح أي موضوع فهو ليس للتصويت عليه لاقرارة فنحن هنا لسنا من متخذي القرار ، ولكننا جميعا هنا لابداء الاراء حتي يستفيد كل منا من الاخر .
.. لقد تسرعت واخذت موقفا من احد المشرفين في المنتدي وهي الاستاذة سمسمة لمجرد انها قد خالفتك الرأي او انها لها رأي مختلف بعض الشئ وهذا تسرع منك ذهب بك الي اطلاق بعض الاحكام والالفاظ التي لا تتناسب مع الموقف اطلاقا .. فالاستاذة / سمسمة من المشرفين المشهود لهم بحسن الخلق والكفاءة في العمل وموقفها ثابت في ان كل انسان له طموح يجب ان يصل اليه .. وللعلم فأن الاستاذة سمسمة . حاصلة علي مؤهل عالي ولكنها لديها الطموح في ان تدريس الحقوق .. فبطبيعه الحال فهي لا تنكر ولا تقلل من كل مجتهد حاول الوصول لهدفه مهما كانت درجته او تعليمة ، فهي لم تكن في يوم من الايام لا مغرورة ولا أنانيه فهذه اتهامات قبل ان ترفضها هي فترفضها اداره المنتدي التي تتصدي لكل من يحاول الاستخفاف او الاستهزاء بالاعضاء او تبادل الاتهامات بالمنتدي .. فكما قلت لك جميعنا هنا شركاء فما قمت بكتابته ليس مشاركه برد ولكنه تجريح في احد اعضاء المنتدي وهذا لا نقبلة .. اتمني ان يصدر منك تدارك للموقف وان تعقب برد يعبر عن وجودك كعضو فعال ومشارك معنا في المنتدي بروح المشاركة وان تمحو به ما وجته من اساءات يرفضها جميع اعضاء المنتدي .. وحرصا مني كمشرف عام للمنتدي علي وجودك ومشاركتك معنا لم أقم بحذف ما قمت بكتابته ، انتظارا لتدارك الموقف منك بالطريقه التي تراها مناسبة لحفظ روح الاخوة والتعاون بين الاعضاء
دمت بكل الخير
| |
|
| |
سمسمة مشرفه
عدد المساهمات : 490 معدل النشاط : 750 الكلية : الحقوق
| موضوع: رد: العيب الوحيد فى مركز جامعة القاهرة للتعليم المفتوح الإثنين 26 مارس 2012, 9:43 pm | |
| اخجلتم تواضعنا يا استاذ خالد لقد عجزت عن الرد بعد كلام حضرتك وكل عبارات الشكر لا تكفى
| |
|
| |
blank name مشـرف كليــة الـتجــارة
عدد المساهمات : 2038 معدل النشاط : 4560 العمر : 36 مكان الامتحان : القاهرة الكلية : تجارة الترم : السادس
| موضوع: رد: العيب الوحيد فى مركز جامعة القاهرة للتعليم المفتوح الإثنين 26 مارس 2012, 10:18 pm | |
| استاذى الفاضل Shebl Clup Life لزمتو ايه الكلام ال ملهوش لزمه ال انت بتقولو على الاخت العزيزة سمسمه وبعدين هى قالت رايه وكل واحد ليه راى ولا سيتك كل الناس هتمشى على فكرك انت بس كل واحد ليه فكر معين فى دماغه انا احب اقولك على حاجة الاستاذه ال انت بتقول عليها انانية ومغروره فى من احسن الشخصيات هنا فى المنتدى والاعضاء كلها تشهد على حاجة زى كده وانا اول الشاهديين هى بتقول رايها احنا مش فى محكمه ياستاذ Shebl Clup Life وبعدين ايه الغلط ال قلتو انا شايف ان مفيش اى غلط قلتو كل واحد عاوز يحقق هدفو وطمحاتو الدنيا مش قفش يا Shebl Clup Life اتمنى كلامى يتفهم كويس اوى سمسمه كويسه جدا جدا جدا وانا مبخفش من حد ومحدش ماسك عليا زله او ماسك عليا حاجة بس انا بقول ال انا شايفه لعمرى حسيت انها مصلحجيه ولا عمرى حسيت انها بتحب الخير لنفسها فقط بال بالعكس بتحب الخير للناس كلها ومشفتش منها حاجة وحشه ل منها ولا من الاستاذ الفاضل خالد ولا من بسمه واحب اقولها متزعليش ياسمسمه انتى اخت فاضله مش عندى بس عند المنتدى كلو ويريت كلامى يتفهم ياستاذ Shebl Clup Life وانت اخ فاضل واحترمك وشكرا | |
|
| |
pinky girl عضو مميز
عدد المساهمات : 395 معدل النشاط : 458 العمر : 30 مكان الامتحان : Qatar الكلية : Faculty of commerce الترم : Fourth Semester
| موضوع: رد: العيب الوحيد فى مركز جامعة القاهرة للتعليم المفتوح الإثنين 26 مارس 2012, 10:37 pm | |
| فعلا يا مصطفى انت كدة أتكلمت نيابة عن أعضاء المنتدى كله لأن كلنا بنشهد باخلاق سمسمة وانها انسانة محترمة بجد كمان تعاونها في المنتدى وزي ما قلت يا مصطفى كل واحد بيعبر عن رأيه وليه وجهة نظر مختلفة وفي النهاية كلنا أصدقاء وأخوات هنا في المنتدى مهما اختلفنا احم إحم
عدل سابقا من قبل pinky girl في الإثنين 26 مارس 2012, 10:46 pm عدل 1 مرات | |
|
| |
blank name مشـرف كليــة الـتجــارة
عدد المساهمات : 2038 معدل النشاط : 4560 العمر : 36 مكان الامتحان : القاهرة الكلية : تجارة الترم : السادس
| موضوع: رد: العيب الوحيد فى مركز جامعة القاهرة للتعليم المفتوح الثلاثاء 27 مارس 2012, 1:07 pm | |
| مروى سامى مصطفى تشجعة مش تعترض علية مهو لو عاوز بكاليوس والسلام ولا ليسانس والسلام كان معلش دخل تجارة او اى كلية تانية
استاذه مروى سامى مصطفى احب بس اعلق على الكلام ال انتى كتباه يعنى ايه كان دخل ايه كليه تانيه والسلام انا معترف ان اصعب كليه هى حقوق بس فى كليات تانيه احسن من حقوق زى الاعلام والالسن والهندسه والطب وغيرو معنا كلامك دوت انك فكره ان التجارة سهله ومفيش حاجة سهله ياستاذه مروى يريت يبقى فى طريقة كويسه للكلام يعنى ايه كان دخل اى كليه تانية زى التجارة يعنى ايه يعنك مبتعترفيش باى حد واخد بكالريوس تجارة انا بكرر كلامى تانى يريت يبقى فيه طريقة كويسه للكلام وشكرا
مع كامل احترامى وتقديرى للاستاذ خالد وسمسمه بس انتو شيفين الكلام وشكرا | |
|
| |
abeed عضـــو جديد
عدد المساهمات : 8 معدل النشاط : 8
| موضوع: رد: العيب الوحيد فى مركز جامعة القاهرة للتعليم المفتوح الثلاثاء 10 أبريل 2012, 7:14 am | |
| انا من كتر الكلام الغير منصف لحملة الدبلومات لن استمر فى التقدم للحقوق من اولها وعلى فكرة انا حامل دبلوم تجارة 84 ولدى شركة مقاولات رغم البداية من تحت الصفر واصدقائى حاملين الثانوية المؤهلات العليا اقل طموح وثقافة ولكن حلم اردت ان احققة وبعض مناهج الحقوق محاسبية لايستطيع حامل الثانوية المنافسة فيها وعلى فكرة كل اجراءات شركتى المحاسبية والقانونية اقوم بها بنفسى وبخاصة المتعلقة بالقوانين والمحامى لايمثل لى سوى اسم وواجهة فقط وليس من الحكمة ان نحكم على الامور بسطحية لآنة من لم يستطع التفوق لن يستمر وفاقد الشئ لايعطية ومن يتكلم بالقانون يحترمة اولا فالقوانين هى التى تفرز القرارات واللاوائح وليس العكس وللاسف قد يعلم الاستاذ سامح عاشور والمصيبة انة اكيد يعلم ولكنة يستر الحقيقة لو تم تكليفة بقضية للطعن على اللائحة الموضوعة بمعرفتة لكانت اسهل قضية يمكن ان يكسبها محامى تحت التمرين | |
|
| |
أحمدمحمدهمام عضو نشيط
عدد المساهمات : 59 معدل النشاط : 69 العمر : 35 مكان الامتحان : قنا الكلية : حقوق الترم : الثالث
| موضوع: رد: العيب الوحيد فى مركز جامعة القاهرة للتعليم المفتوح الجمعة 13 أبريل 2012, 7:45 pm | |
| انا طموحي كلية الحقوق وعلي فكرة انا الظروف في مراحل التعليم المتوسط كانت صعبة مادية وانا كنت من الطلاب المتفوقين جداااااااااا وحاليا التعليم المفتوح حقق حلام بالنسب لي وانا في الترم الاول وحرمت نفسي من حاجات كتيررررررررررر من اجل انا اسجل مادة ولكن للاسف الحلم اظهر هيبقه كبوس انا حاليا مش عارف هاعمل ايه بس انا اهقاوم كل الظروف مهم كانت المعطايات والبراهين حتي لو هضحي بحياتي وشكر للا خوه الزملاء | |
|
| |
عماد يوسف عضو جديد
عدد المساهمات : 1 معدل النشاط : 1
| موضوع: رد: العيب الوحيد فى مركز جامعة القاهرة للتعليم المفتوح الثلاثاء 22 مايو 2012, 1:07 pm | |
| الاستاذة / سمسة السلام عليكم ورحمة الله وبركاتة ,,, أولاً : احترم وجهة نظرك بالنسبة للموقف الراهن . ثانياً : اعتذر نيابة عن العضو تفضل بالتعبير عن رأيه ولكنه لم يكن لائق بالنسبة للمحادثة معكي ولكن هذا التعبير إن دل على شيء فهو يدل على تقدير هذا العضو للامور من خلال وجهة نظره هو أو حسب تعبيره عن رأيه فلك شديد الاسف . ثالثاً : لقد حصلت على الدبلوم الفني سنة 1998 وكنت اتمني ان التحق بالثانوية العامة ولكن ظروف الحياه والمعيشة لم تساعدني فاتجهت للعمل حتي سنة 2006 وبعد ذلك التحقت بالتعليم المفتوح كلية الحقوق وذلك لميولي وحبي وشغفي للقانون وأن أعمل به وليس لانه مصدر رزق أو وظيفة أعمل به وأنا الان بالسنة الثالثة من كلية الحقوق وكلي أمل من الله أن تحل هذه المشكلة لكي أخذ أبسط حقوقي في الحياة . رابعاً : حضرتك بتقولي أن أكمل الثانوية العامة يا سيدتي الفاضلة هأسالك وهكرر نفس سؤال الاستاذ الفاضل / خالد وهو هل من صلة بين الدراسة الثانوية وليسانس الحقوق ؟ أجيب على حضرتك في هذا النطاق 1ـ لا يوجد أي صلة بين الدراسة الثانوية وليسانس الحقوق 2ـ وهو الاهم وهو اضافة لما قاله الاستاذ / خالد أن قانونا المؤهل الاعلي يلغي المؤهل السابق له 3ـ قانون المحاماة لا يحمل أو يذكر في جميع مواده أي مادة تنص على هذا الشأن . خامساً : بالنسبة لما قيل بخصوص أن أعلى نسبة تدرس بالتعليم المفتوح هم الموظفين والذين يطمعون في ترقية أو مسمي وظيفي فما المشكلة بالنسبة لهم اليس لهم الحق في العيش بحياة كريمة لهم ولادوهم وذويهم فهم يتجهون للطريق الصحيح والقانوني وليس لسرقة أحد أو أخذ حق أحد أخر فهم شرفاء ويريدون العيش بحياة كريمة وعندما اتيحت لهم الفرصة اتجهوا لذلك فما المشكلة . *بعض الحلول لهذه المشكلة ارضاءاً لنقابة المحامين ونحن نعرف أن المحاماة مهنة سامية بكل المعاني :ـ 1ـ عمل معهد محاماة مدته سنة دراسية تكون الدراسة عملية بالنسبة لمن سيعمل بالمحاماه ليتخرج محامي ملم بمعلومات مهمة له في حياته العملية . 2ـ التفضل باستخراج كارنيه المحاماه لمن هم التحقوا بكلية الحقوق في الاعوام السابقة وحتي عام 2011 وبعد ذلك يقف التسجيل بذلك لحين اصدار قانون لهذا أو التنسيق مع النقابة في هذا الشأن . 3ـ عمل جلسات بين النقابة والمجلس الاعلي للجامعات للتنسيق بينهم بخصوص هذا الشأن ومن يمثلهم من الطرفين للوصول لحل . وأخيرا اعتذر للاطالة وأتمني يوفقنا الله جميعاً وأن يصلح حال الوطن . | |
|
| |
رفعت سيد عضو نشيط
عدد المساهمات : 40 معدل النشاط : 52 العمر : 56 مكان الامتحان : القاهرة الكلية : الحقوق الترم : تيرم اول
| موضوع: رد: العيب الوحيد فى مركز جامعة القاهرة للتعليم المفتوح الثلاثاء 22 مايو 2012, 10:52 pm | |
| اؤيد كل كلمة لك يا استاذ عماد رفعت نيرم اول | |
|
| |
احمد ابو القاسم عضو جديد
عدد المساهمات : 2 معدل النشاط : 2 العمر : 36
| موضوع: رد: العيب الوحيد فى مركز جامعة القاهرة للتعليم المفتوح الخميس 20 سبتمبر 2012, 4:08 am | |
| السلام عليكم ورحمة الله وبركاتة انا انشاء الله ناوى اقدم فى كلية الحقوق الجامه المفتوح ولاكن انا الان مترد اقدم وولا مقدمش انا عندى طموح اكمل وانا حاصل على دبلوم فنى مع العلم انا موظف بس انا ظروفى هية الى خلتنى ادخل فنى مع العلم انا جبت مجموع كبير فىالاعدادى وحصلت على الدبلوم وكنت من العشرة الاول على مستوى المحافظة يعنى انا اتعب اربع سنين وف الاخر ............. صفر حرااااااااااااااااااااااااااام ارجو من احد ان ينصحنى ماذا افعل | |
|
| |
abeed عضـــو جديد
عدد المساهمات : 8 معدل النشاط : 8
| موضوع: رد: العيب الوحيد فى مركز جامعة القاهرة للتعليم المفتوح السبت 22 سبتمبر 2012, 1:12 pm | |
| السلام عليكم ورحمة الله وبركاتة يمكن لو كنت حاصل على الثانوية كنت هفكر فى منع طلاب الدبلومات من كلية الحقوق وعلى فكرة انا بدرس حاليا حقوق وفى الترم الاول حصلت على تقدير بين جيد جدا وجيد وبقليل وبدون عناء فى المذاكرة وانا لا اطمح لوضع مالى او اجتماعى فانا صاحب ومدير شركة مقاولات من 15 سنة .. ولكن فالننظر الى الموضوع من الوجهة الاهم دون شرح فى الماضى هل يجب علينا عدم اعمال العقل فى ان نكون شعب متعلم والبقاء للآصلح الا يوجد من يحمل الثانوية ولا يجيد القرائة او الكتابة الصحيحة او حتى اتقان فن الحديث وعلى الجانب الاخر نجد تفاوت فيما ذكرت بين كثير ممن لم يحصلو على فرص التعليم من اسلوب متحضر واتقان فنون وثقافة ولغة ولقد احزنى وانا فى هذا العمر ان اجد فى الامتحانات كثير ممن يحملون الثانوية العامة وفى سن ابنائى ويثيرو الفوضى باللجان من اجل الغش وبعضهم نازل فى بعض المواد وعموما اتمنى الا تغلبنا فكرة حب الذات على المصلحة العامة وكلية الحقوق لايصلح لها الا من يريدها ولا يستمر او يصلح محامى الا من اتقن واستحق درجتة العلمية عن جدارة وانهى حديثى بالتوفيق لكل مصرى يريد ان يتعلم فى اى مجال من اجل مصر ومستقبلها وللعلم من السهل جدا وكما درسنا المبادئ القانونية الغاء لائحة النقابة طبقا للقانون | |
|
| |
blank name مشـرف كليــة الـتجــارة
عدد المساهمات : 2038 معدل النشاط : 4560 العمر : 36 مكان الامتحان : القاهرة الكلية : تجارة الترم : السادس
| موضوع: رد: العيب الوحيد فى مركز جامعة القاهرة للتعليم المفتوح السبت 22 سبتمبر 2012, 9:54 pm | |
| السلام عليكم ورحمه الله وبركاتو تحياتى لجميع اعضاء المنتدى / الى الاستاذه ال بيقولو انا متردد انى اقدم وكل ما افكر اقول اقدم لا اقدم لا استاذى الفاضل استاذتى الفاضله اولا : انت لو قدمت فى التعليم المفتوح هتعلى من نفسك وهتكسب نفسك وهتحس انك عملت انجاز ليك فى حياتك وبدل ما يبقى عندك مؤهل متوسط اى كان نوعو ثانويه عامه او دبلوم تجارى او دبلوم صنايع او سياحه وفنادق فا انت هتكسب نفسك ولما حد يسألك انت معاك ايه هتقول انا معايا ليسانس حقوق او بكالريوس تجارة الى اخرو ثانيا : انت لما تقدم فى اى وظيفه هيسألوك انت معاك ايه ودى طبعا عليها عامل كبير اوى يعنى معايا بكالريوس ليك وظيفه معاك دبلوم ليك وظيفه بس طبعا لو انت بكالريوس او ليسانس اكيد هتشتغل شغلانه كويسه واظن ان فى ناس كتيره اوى فهمانى ثالثا : وهى الاهم انك لو فكرت او لو فكرتى انك تجيب تقدير كويس يعنى جيد بما فوق ممكن تشتغل فى اماكن مرموقه جدا يعنى مثلا لطلبة الحقوق ممكن تشتل فى محكمه النقض او دار القضاء العالى اما لطلبة كليه التجارة ممكن تشتغل فى اى بنك من البنوك رابعا : وهى الاهم ايضا فى بعض ضو من الاعضاء هنا تقريبا اسمو شيكو والله اعلم بردو بس انا فاكر انو تقريبا كان اسمو كده هنا فى المنتدى قال انا كل لما اقول لحد انى فى التعليم المفتوح يبصلى بصه وحشه طبعا مع كامل الاحترم دون مش شخصيه دون شيفين نفسهم زيادة عن اللزوم وفكرين نفسهم انهم فووووووووووق والناس الثانية تحت دون من الناس المغرورين مع احترامى الشديد وبعدين انت بتعلى نفسك متبصش لحد ولا اى حد يبص لحد خامسا : طلبه التعليم المفتوح انا سمعتها من دكتور قبل كده من احسن الطلبة دا مش كلامى انا دا كلام الدكتور عمرو طه بتاع مدخل قانون لطلبة كلية التارة ترم اول طلبة التعليم المفتوح من احسن الطلبة لان معظمهم معاهم شهادة ومعاهم بكالريوسات وانا واحد منهم معايا بكالريوس نظم ومعلومات ادارية وداخل الجامعة المفتوحة علشان عندى هدف عاوز احققو فا طلبة التعليم المفتوح هم اكتر ناس مجتهدين لان بيصرفو اد كده وطبعا مش تعليم اجبارى مثلا زى الانتظام ال عاوز يخش يخش ال مش عاوز برحتو مش زى الانتظام واكيد فهمنى كويس بس
وانا بنصح جميع الاعضاء وجميع الاخوه الاعزاء ابتعد عن اى حد يحاول يقولك حاجة عن التعليم المفتوح لان هو عاوزك تبقى زى ما انت ان كنت معاك مؤهل متوسط معهد سنتين فا تبقى زى ما انت ان كنت معاك ثانوية عامه وعاوز تخش تعليم مفتوح او دبلوم تجارى او صناعى او سياحه وفنادق فا ال بيقولك كده يبقى مبيحبلكش الخير انا بنصح جميع الناس ال بيفكر يخش التعليم المفتوح خش وذاكر واجتهد ومتخفش من اى حاجة لو الحقوق صعبه انت او انتى لو ذكرت وعملت ال عليك هتاخد حقق متقلقش خالص وربنا يكرمكم جميعا ومعلش انى طولت كتير وبشكرا جميع الاعضاء اخوكم مصطفى والسلام عليكم ورحمه الله وبركاتو | |
|
| |
zika عضو نشيط
عدد المساهمات : 84 معدل النشاط : 98
| موضوع: رد: العيب الوحيد فى مركز جامعة القاهرة للتعليم المفتوح الأحد 23 سبتمبر 2012, 12:57 am | |
| جزاك الله الخير والاخلاص وحسن اتقان العمل! كلام اكثر من رائع,وانا عن نفسي,الجامعة والدراسة غيرت فيه حاجات كتيرررر قوي والله كريم وهو الولي وهو نعم النصير.
| |
|
| |
blank name مشـرف كليــة الـتجــارة
عدد المساهمات : 2038 معدل النشاط : 4560 العمر : 36 مكان الامتحان : القاهرة الكلية : تجارة الترم : السادس
| موضوع: رد: العيب الوحيد فى مركز جامعة القاهرة للتعليم المفتوح الأحد 23 سبتمبر 2012, 7:48 am | |
| اشكرك زيكا ويريت الناس كلها تحط الكلام دا فى دمغها محدش يسمع لحد خالص اى حاجة فيها تعليم سوء تعليم مفتوح او تعليم عادى هترفع من شائن نفسك انت ملكش دعوه باى كلام يتقال ال يقولك متخشش التعلي المفتوح او متقدمش يبقى دا مش صاحب او دى متبقاش صاحبه مع احترامى الشديد لان مبيخفوش على صحبهم او اصدقائهم وشكرا يريت نحط الكلام دا كلو حلقه فى ودنا وشكرا وصباح الخير عليكم جميعا | |
|
| |
احلام عضو جديد
عدد المساهمات : 3 معدل النشاط : 3
| موضوع: والله كلامك مقنع وعندك حق لازم كل الناس تراعي ظروف غيرها وتحط نفسها مكان اي حد وممكن الظروف تكون ضدها وتكون هي فقيره بس يلا افعل يا ابن ادم ما شئت كما تدين تدان انا نفسي المنتدي ده يعمل جروب علي الفيس بوك هيكون اسهل بكتير الإثنين 01 أكتوبر 2012, 3:20 pm | |
| - Shebl Clup Life كتب:
- احب اقول لى خريجه الثانويه العامه اللى بتقول .....وعايز يكمل حقوق المفروض يذاكر ثانوية عامة منازل وبعد كدة هيكون من حقه .......... انا دبلوم فنى ,كنت قبل كده ثانويه عامه علمى ,سبتها عارفه ليه ......عشان اتعقدت من الناس المغروره زيك كده .....بجد انتى انانيه ...... أكيد أنتى زعلتى .......بلاش بقى نجرح فى الناس بتاع الدبلومات .....هما مش اقل منك يا بتاع اللغات .... بجد لو فيه منك كده كتير أكيد مصر هتتقدم 100 سنه بس للخلف......ربنا يعينك على حب النفس.....أكيد كل الناس فهموا الرؤيه البنأه بتاعتك.......
[b] | |
|
| |
mahmoud_ibm81 عضو مميز
عدد المساهمات : 169 معدل النشاط : 179 العمر : 43 مكان الامتحان : السويس الكلية : حقوق القاهره الترم : الاول
| موضوع: رد: العيب الوحيد فى مركز جامعة القاهرة للتعليم المفتوح الثلاثاء 09 أكتوبر 2012, 11:37 pm | |
| الساده الزملاء انا طموحي كلية الحقوق بالاضافه انى ناشط حقوقى وعمالى وحضرت دورات كتير لحقوق الانسان والحمد لله كنت بتفوق على اقرانى من المحامين وحملة شهادة ليسانس الحقوق وعلي فكرة انا الظروف في مراحل التعليم المتوسط كانت صعبة مادية وانا كنت من الطلاب المتفوقين جدا ايضا واعتقد ان كل اغلب الزملاء مثلى وبعد مشاركتى فى ثورة 25 يناير رايت من واجبى تجاه بلدى واسرتى ونفسى انى اطور من نفسى وحاليا التعليم المفتوح هيحقق حلمى فى انى ادرس والتحق فى حاجه بحبها وبجيدهاانا لسه مقيد فى الترم الاول ومتزوج وبدخر من عملى وبعمل بجد ليل نهار من اجل انا اسجل فى جميع المواد ومش هسيب اى حد يقف فى طريق حلمى وما ضاع حق ورائه مطالب ان شاء الله بعد حصولنا على ليسانس الحقوق مش من حق اى حد يحرمنا من حقوقنا فى القيد بنقابة المحامين اللى هى المفروض لحملة شهادة الحقوق فاين الحقوق اذا سنقاتل من اجل حقوقنا وسننتصر فى النهايه فان الله لا يضيع اجر من احسن عملا سنجتهد ونحار من اجل حقوقنا واعتقد ده اقل شئ نقدر نعمله نحن جيل ثورة 25 يناير | |
|
| |
blank name مشـرف كليــة الـتجــارة
عدد المساهمات : 2038 معدل النشاط : 4560 العمر : 36 مكان الامتحان : القاهرة الكلية : تجارة الترم : السادس
| موضوع: رد: العيب الوحيد فى مركز جامعة القاهرة للتعليم المفتوح الأربعاء 10 أكتوبر 2012, 11:28 am | |
| كلامك جميل جدا يا استاذ محمود وانا معجب جدا بكلامك لانو كلام اكثر من رائع بس فى بعض الناس هنا بتسمع لناس مع احترامى وانا قولت الكلام دا فوق حتى اطلع فوق هتلاقينى كاتب صحيفه فى بعض الزمله هنا بيسمعو لكلام ناس ملهمش لزمه ياجماعة للمره المليون اى حاجة فيها تعليم انت بطور من نفسك وهتشتغل بيها بس اهم حاجة زى ما قولت قبل كده التقدير لازم ميقلش عن جيد على الاقل وكورس انجليزى يخليك تعرف تتكلم انجليزى وكده اتوقعلك انك تشتغل فى اى حته انت تتمناها او انتى تتمنيها طالما معاك او معاكى بكالريوس تجارة او ليسانس حقوق وبتقدير على الاقل جيد دا على الاقل وتجيد اللغه الانجليزيه ايجاده تامه Conversation يعنى محادثه كده يبقى روح قدم فى دار القضاء وانت مستريح روح قدم فى اى بنك من البنوك وانت مستريح روح قدم فى مثلا شركه المصرية للاتصالات وانت مستريح او فى فودافون وما الى اخرو طالما معاك الحاجات دى انما مع احترامى ال مش جايب تقدير تراكمى على الاقل جيد يبقى مع احترامى مش هيعرف يعمل حاجة حتى لو معاه انجليزى لان فى بلدنا دى التلكيكات كتيره اوى والحجج والكلام كتير اوى انما لما انت معاك ال قلتلك عليه دا مفيش حجه هيقدرو يتكلمو عليها اظن كلامى واضح ومحدد ويريت ال مش مقطنع يقراء الكلام دا بتاعى وبتاع الاستاذ محمود ويريت ياستاذ محمود الناس كلها تبقى زيك وشكرا ليك وتحياتى الخاصه ليك على الكلام الجميل دا معاك اخوك مصطفى كلية تجارة ترم سادس | |
|
| |
mahmoud_ibm81 عضو مميز
عدد المساهمات : 169 معدل النشاط : 179 العمر : 43 مكان الامتحان : السويس الكلية : حقوق القاهره الترم : الاول
| موضوع: رد: العيب الوحيد فى مركز جامعة القاهرة للتعليم المفتوح الأربعاء 10 أكتوبر 2012, 3:20 pm | |
| ربنا يكرمك اخى مصطفى ولا داعى للشكر انا فعلا قلت اللى جوايا وحاسس بيه وبالتوفيق للجميع ان شاء الله | |
|
| |
sondos hassan عضو جديد
عدد المساهمات : 1 معدل النشاط : 1
| موضوع: رد: العيب الوحيد فى مركز جامعة القاهرة للتعليم المفتوح الأربعاء 10 أكتوبر 2012, 6:36 pm | |
| يا ريت ياجماعه حد يكون مسجل اولى اداب اجتماع تعليم مفتوح جامعه القاهرة بالاسكندريه ومقرة فى كليه التربيه الرياضيه بنات بالاسكندريه طبعا عايزة معلومات عن الدراسه عن المواد لو حاجه صعبه افهمها من مين يا ريت حد يرد عليه بسرعه وشكرا | |
|
| |
سيد محمود عضـــو جديد
عدد المساهمات : 4 معدل النشاط : 8 العمر : 51 مكان الامتحان : مبنى تعليمى 2 الكلية : حقوق الترم : الثالث
| موضوع: رد: العيب الوحيد فى مركز جامعة القاهرة للتعليم المفتوح الثلاثاء 13 نوفمبر 2012, 9:51 pm | |
| - سمسمة كتب:
- السلام عليكم ورحمة الله وبركاته
اولا احب اقولكم موضوع شرط الحصول على ثانوية عامة انا فى نظرى بعتبره شرط مهم جدا ازاى يكون واحد محامى حاصل على دبلوم انا مع نقابة المحامين فى هذا القرار وانا عارفة ان الكل هيزعل منى وبعدين لو حد واخد دبلوم وعايز يكمل حقوق المفروض يذاكر ثانوية عامة منازل وبعد كدة هيكون من حقه انه يحصل على كارنيه النقابة اولا لا داعى لقول ان النقابه معها حق لو كنتى مكان اى طالب او طالبه لكان اختلف ردك وعمر الموضوع ما يقاس بثانويه عامه او تجاره المهم ال يجتهد ويقدر ينجح وبعدين لو المجلس العلى للجامعات عارف الكلام ده ازى يقبلو بخداع الطلاب بالشكل ده | |
|
| |
علاء موسى عضو نشيط
عدد المساهمات : 26 معدل النشاط : 24 العمر : 56 مكان الامتحان : قطر الكلية : حقوق الترم : الرابع
| موضوع: رد: العيب الوحيد فى مركز جامعة القاهرة للتعليم المفتوح السبت 01 ديسمبر 2012, 5:49 pm | |
| السلام عليكم الاخوه والاخوات -- المحترمين انا حاصل على دبلوم فنى ولا اجد ما يدعوا للحرج فى هذا - ولا اتنصل من مؤهلى - ولكن كثيرا ما احس فى كلام بعض الزملاء ( ولا بلاش كلمه الزملاء لحسن تزعلو ) نظره دونيه لحمله الدبلومات الفنيه وكنت اتمنى ان يكون هذا الاحساس غير حقيقى ولاكنه للاسف واضح جدا وخصوصا فى تعليق الاخت سمسمه -- عموما حتى ولو كان الامر كذلك فللجميع منا كل تقدير واحترام -- كما يطيب لى ان اوضح ان هناك طلبه كثيره وانا اولهم دخلت هذا الكليه حبا فيها وحبا فى العلم والتعلم وليس طمعا فى المسمى (محام) وشكرااااااااااااا | |
|
| |
عمرو شرف عضو نشيط
عدد المساهمات : 49 معدل النشاط : 55 مكان الامتحان : جامعة المنصوره الكلية : الحقوق الترم : الأول
| موضوع: رد: العيب الوحيد فى مركز جامعة القاهرة للتعليم المفتوح الإثنين 03 ديسمبر 2012, 12:35 pm | |
| | |
|
| |
عمرو شرف عضو نشيط
عدد المساهمات : 49 معدل النشاط : 55 مكان الامتحان : جامعة المنصوره الكلية : الحقوق الترم : الأول
| موضوع: رد: العيب الوحيد فى مركز جامعة القاهرة للتعليم المفتوح الثلاثاء 04 ديسمبر 2012, 11:47 am | |
| السلام عليكم جميعا الاخوه الأعزاء ممكن استفسار واريد الاجابه ينفع التحويل من كليه الحقوق لاي كليه تانيه الآن ولا ؟
| |
|
| |
blank name مشـرف كليــة الـتجــارة
عدد المساهمات : 2038 معدل النشاط : 4560 العمر : 36 مكان الامتحان : القاهرة الكلية : تجارة الترم : السادس
| موضوع: رد: العيب الوحيد فى مركز جامعة القاهرة للتعليم المفتوح الثلاثاء 04 ديسمبر 2012, 11:58 am | |
| استاذ عمرو ايوه اكيد طبعا ممكن تحول من كليه حقوق لكلية تجارة او لكلية اعلام او لكلية اداب بس بالنسبة لكلية اداب انجليزى او كلية اعلام فى انتر فيو وفيها امتحان تحرير و Conversation يعنى محادثه انجليزى دى تبع الانتر فيو طبعا بس طبعا يا استاذ عمرو التقديم خلص فا لو هتحول لاى كلية تانيه هتستنى لغاية الترم القادم ان شاء الله وربنا معاك ياااااااااااارب واى استفسارات انا تحت امرك وربنا معاك | |
|
| |
عمرو شرف عضو نشيط
عدد المساهمات : 49 معدل النشاط : 55 مكان الامتحان : جامعة المنصوره الكلية : الحقوق الترم : الأول
| موضوع: رد: العيب الوحيد فى مركز جامعة القاهرة للتعليم المفتوح الأربعاء 05 ديسمبر 2012, 11:43 am | |
| الف شكر يا باشا علي الرد وجزاك الله كل خير صدقوني ياجماعه والله موضوع الدبلومات والثانويه العامه ده عامل مشكله كبيره لناس معانا في الكليه وياريت لو في حل طيب سؤال ؟؟؟؟؟؟؟؟؟؟ لو فيه واحد حاصل علي معهد بس من بعد دبلوم يتأييد في النقابه ولا لأ؟ | |
|
| |
blank name مشـرف كليــة الـتجــارة
عدد المساهمات : 2038 معدل النشاط : 4560 العمر : 36 مكان الامتحان : القاهرة الكلية : تجارة الترم : السادس
| موضوع: رد: العيب الوحيد فى مركز جامعة القاهرة للتعليم المفتوح الأربعاء 05 ديسمبر 2012, 11:59 am | |
| على ما اعتقد لا لان هم بيسألو انت ثانوى ايه اهم حاجة طبعا ياما ثانوىا عامه او دبلوم تجارى او دبلوم صناعى وعلى فكره انا ثانوى عام بس بردو فى نفس الوقت حرام لواحد معاه دبلوم واخد ليسانس حقوق وميخدش كارنيه النقابة مش معقول واحد يكون تعب 4 سنين وعانى وفى الاخر تعبو يروح هدر حرااااااام ياجماعة بجد كده انتو بتظلمو ناس كتيره والله مينفعش ممكن واحد يكون جايب فى الاعدادية مجموع يدخلو ثانوى عام وفيه وحصلت كتير جدا والامكانيات بتعتو ضعيفه يعنى مثلا يكون عائلتو فقيره متقدرش تستحمل مصاريف الثانويه العامه فا يقوم داخل دبلوم وهو واحد مجتهد فا فى الاخر يكون اتظلم ليه ياجماعة انا مش واخد حاجة بس احنا لازم نشجع بعض ولازم نشجع طالب العلم منحسسهمش ان الدبلوم دا حاجة وحشه ليه يعنى او ان طلبة الدبلوم كأنها لمؤخزه بوبين ولا حاجة وحشه من دى لا ياجماعة طلبة الدبلوم بردو زى طلبت الثانويا العامه دا فيه مخ ودا فى مخ بس ممكن زى ما انا قولت فوق الامكانيات وحشه شويا انا فى الاول والاخر ثانويا عامه ومعايا بكالريوس نظم ومعلومات ادارية ودخلت كلية تجارة جامعة القاهرة للتعليم المفتوح علشان اطور من نفسى احسن واحسن وابقى معايا شهادة احسن من البكالريوس ال معايا واحسن من الثانويا العامه وانا لما اتخرج ان شاء الله هاخد كارنيه النقابة بس سؤال هنا ليه لطلبة الحقوق ملهاش حق انهم يخدو كارنيه النقابة غير ال كانو ثانويا عامه ولطلبة كلية التجارة لو حد معاه دبلوم صنايع او تجارى ياخد كارنيه النقابة بجد بجد انتو كده هتكرهو الناس فى التعليم وهتكرهو الناس انها تخش كلية حقوق وربنا على الظالم والمفترى والله يكون فى عونكم ياجماعة وحقيقى انا زعلان عليكم اوى لان مش دى اخرتها ان الواحد يذاكر ويتعب ويسهر الليالى على المذاكرة وهو دا فى الاخر يبقى معاه شهادة الليسانس وجايب كمان تقدير تراكمى جيد وفى الاخر علشان هو كان دبلوم مينفعش انو ياخد كارنيه النقابة ربنا معاكم جميع ويبعد عننا العالم الظلمه المفتريه وشكرا اخوكم مصطفى | |
|
| |
عمرو شرف عضو نشيط
عدد المساهمات : 49 معدل النشاط : 55 مكان الامتحان : جامعة المنصوره الكلية : الحقوق الترم : الأول
| موضوع: رد: العيب الوحيد فى مركز جامعة القاهرة للتعليم المفتوح الأربعاء 05 ديسمبر 2012, 3:10 pm | |
| لا ما بسألوش انت دبلوم ولا ثانويه وانا شاهد علي كده وشفت بعيني الموضوع ده وعلي فكره أنا عاوز بس اعرف الفرق بين حامل الدبلوم وحامل الثانويه العامه أمل اللي داخل كليه حقوق داخلها ليه أكيد علشان يشتغل بيها او يرفع من وظيفته ازاي يعني ميتسجلش في النقابه وأنا عاوز اعرف ليه اشمعنا حاصلين الدبلوم هما بس وأتمني ان كل من في حقوق من حاملين الدبلومات يتوجهو للنقابه ويعرفوا تفاصيل هذا القرار وأنا مستعد أكون معاكم قبل ما احول لكليه زراعه لان ده ظلم وانا تحت امر اي حد عنده استعداد والله ده من مصلحة الكل وياما ناس كتير زي ما أ\ مصطفي قال ظروفهم مساعدتهومش للتحاق بالثانويه العامه مستني الرد من كل من يرغب ونحدد اليوم مع بعض ونروح النقابه وعلي فكره في ناس كتير متعرفش الموضوع ده بس ياريت كل اللي يعرف حد في حقوق يقوله بدل مايضيع جهده وفلوسه وتعبه في المذاكره لان حضراتكم عارفين ان اكتر مواد هي مواد حقوق وانا معاكم في المنتدي كل يوم وشاكر للاستاذ مصطفي للتواصل واتمني من كل طلبه التعليم المفتوح يقفوا مع الناس دي سواء كان من تجاره او زراعه او اداب او الخ مستني الرد من الجميع شكرا للجميع
| |
|
| |
blank name مشـرف كليــة الـتجــارة
عدد المساهمات : 2038 معدل النشاط : 4560 العمر : 36 مكان الامتحان : القاهرة الكلية : تجارة الترم : السادس
| موضوع: رد: العيب الوحيد فى مركز جامعة القاهرة للتعليم المفتوح الأربعاء 05 ديسمبر 2012, 3:39 pm | |
| انا معنديش مشاكل والله يا استاذ عمرو بس معلش مع احترامى الشديد احنا ال ملناش فيه ننزل ونتكلم على اساس ناس تانيه والناس التانيه تكون قاعده فى بتها ولا انا غلطان انا عن نفسى مش مستفاد لاى حاجة انا فى الاول والاخر كلية تجارة يعنى بعيد عن الحقوق بس ممكن معنديش مشاكل احنا بنطور التعليم وبنطور من نفسنا منكونش احنا ننزل ويطلع عنينا والناس التانيه قاعده فى البيت لو انا غلطان قلى انا زى ما قلت فوق انا كلية تجارة مش حقوق ولو حتى كليه حقوق معايا بكالريوس نظم ومعلومات ادارية وثانويا عامه يعنى لو حتى ممعيش البكالريوس معايا ثانويا عامه يعنى لو كنت فى حقوق كنت بردو هاخد كارنيه النقابة يعنى فى الاول والاخر مش هنزل علشان مصلحتى هنزل علشان الناس المجتهده بس زى مثلا لما يبقى فيه مظاهرات لمقيدى ومعارضى مرسى وها كذا وشكرا اهم حاجة الكل ثم الكل انا معاك يا استاذ عمرو فى كل ال بتقولو وربنا معاكم جميعا ولو فى اى كلمه غلط معجبتكمش قلولى انا مبزعلش انا احب الكلام يبقى قدامى محبش حد يبقى بوشين يقول كلام كويس قدامى ومن ورايا كلام انتو فهمين فا ال مش عجبه اى كلمه فى ال قلتها يتفضل يرد ونتناقش بس وشكرا | |
|
| |
عمرو شرف عضو نشيط
عدد المساهمات : 49 معدل النشاط : 55 مكان الامتحان : جامعة المنصوره الكلية : الحقوق الترم : الأول
| موضوع: رد: العيب الوحيد فى مركز جامعة القاهرة للتعليم المفتوح الخميس 06 ديسمبر 2012, 1:32 pm | |
| لا يا باشا كلامك مظبوط ومفيش فيه اي غلط معلهش برده احنا منتفرمش والناس فبيوتها انا معاك بس انت قولت كلمه حلوه اوي اننا عاوزين نتطور العلم ونعمل دعوه في الجامعه للكل وعلي رأسهم أصحاب المشكله اللي لسه ميعرفوش حاجه عن كلامي انا وانته بس نتفق ونعمل دعوه ونعرض المشكله علي كل الجروبات الموجوده الخاصه بجميع الكليات وأكيد في عدد كبير بيدخل علي الجروبات وبيشوف ايه اللي فيها ونتواصل مع بعض صدقني يا مصطفي الموضوع عاوز يتنشر بس في كل انحاء الجامعه لان والله ربنا يكون في عونهم جميعا وانا تحت امر اي حد ولو نروح للمجلس الاعلي للجامعات ووزارة التعليم العالي واداره التعليم المفتوح وانا والله نفسي اواجه اي حد من النقابه بس ويتناقش في اي سبب لاتخاذ هذا القرار وانا مستني التواصل مع اي حد لان القرار باين انه قرار ليس له اساس من الصحه لان ليس هناك فرق بين الاثنين سواء حاصل علي دبلوم او ثانويه وهذا من وجهة نظري | |
|
| |
blank name مشـرف كليــة الـتجــارة
عدد المساهمات : 2038 معدل النشاط : 4560 العمر : 36 مكان الامتحان : القاهرة الكلية : تجارة الترم : السادس
| موضوع: رد: العيب الوحيد فى مركز جامعة القاهرة للتعليم المفتوح الخميس 06 ديسمبر 2012, 1:52 pm | |
| همما كده بدون ما هما يشعرو بيكرهو الناس فى التعليم والله وبيحسسو مع احترامى الشديد ياجماعة مش انا ال بقول كده علشان محدش يقول ان انا ال بقول كده النقابة بيحسسو بتو الحقوق ال معاهم دبلومات انهم ولا حاجة ولا يسو 3 مليم لان ال بيعمل كده ملهاش معنى غير كده مع احترامى الشديد لييييه بدل ما تشجعوه ان هو انسان مكافح وبيذاكر وبيتعب وبيجيب تقديرات كويسه وجايب تقدير تراكمى جيد على الاقل هو دا تقدركم ليه حرااااااااام انتو كده ظلمتو الطالب دا ياجماعة حرام ال بيحصل دا انا فى كلية تجارة والله بس انا بعترف الاعتراف بالحق فضيله كلية الحقوق اصعب بكتير جدا جدا جدا من كلية التجارة وبردو مع احترامى علشان محدش يفهمنى غلط كلية التجارة ليها مستقبل افضل من الحقوق مثلا خريج كلية التجارة الاماكن المرموقه ال يشتغل فيها فى مجالو وهم البنوك الجهاز المركزى للمحاسبات والجهاز المركزى للتنظيم والادارة وشركات الكهرباء ووزارة الكهرباء والبترول انما خريج كلية الحقوق الاماكن المرموقه بتعتهم وهم دار القضاء العالى ومحككمه النقض بس فا الفرق كبير وبردو شركات المقاولات والمقاولون العرب بردو تبع كلية التجارة فا شوفو فا يعنى مش معقول ان الطالب يتعب ويطلع عينو وفى الاخر ميبقاش فيه تقدير حرام ياججماعة وانا بناشد الكل لازم كل الطلبة بتوع حقوق وانا معاكم ينزلو ونقف ايد واحده على الموضوع دا وربنا معاكم ان شاء الله وزى ما قولت امبارح احنا منتعبش ويكون فى ناس قاعده فى البيت الكلام واضح لان هنا فى المنتدى حتى فى المذاكرة بلحظ ان ناس كتيره جدا بتعتمد على ناس تانية وفى الاخر انتو فهمين فى مثل بيقول ايه ( ان كان ليك حاجة عند الكلب قلو ياسيدى ) اظن كلامى واضح ومحدد وشكرا واتمنى يكون كلامى اتفهم صح مش بمعنى تانى بس وشكرا واحييك يا استاذ عمرو على شكرك ليا واتمنى لك التوفيق ياااااااارب | |
|
| |
عمرو شرف عضو نشيط
عدد المساهمات : 49 معدل النشاط : 55 مكان الامتحان : جامعة المنصوره الكلية : الحقوق الترم : الأول
| موضوع: رد: العيب الوحيد فى مركز جامعة القاهرة للتعليم المفتوح الخميس 06 ديسمبر 2012, 2:19 pm | |
| الله يكرمك يا ا\ مصطفي الشكر واجب لان انا شايف انك مهتم بالموضوع مع ان ماليكش دعوه بيه الا انك عاوز تطور وتغير في الافكار القديمه بتاعت النقابه والتفكير المتدني لهم في انهم يفرقوا بين الحاصل علي الدبلوم وغيره . الا قولي يا ا\ مصطفي هم فين اصحاب المشكله انا ملاحظ اني انا وانت بس اللي مهتمين والتواصل معاهم ازاي ولا هم يأسوا ولا معتمدين علينا ولا ايه ؟ وبقولك يا كبير بعد ازنك مفيش منتدي هنا لكليه زراعه ولا ايه ؟
| |
|
| |
blank name مشـرف كليــة الـتجــارة
عدد المساهمات : 2038 معدل النشاط : 4560 العمر : 36 مكان الامتحان : القاهرة الكلية : تجارة الترم : السادس
| موضوع: رد: العيب الوحيد فى مركز جامعة القاهرة للتعليم المفتوح الخميس 06 ديسمبر 2012, 4:01 pm | |
| لا معتقدش يا استاذ عمرو ان فى منتدى لكلية الزراعه اما عن ان مفيش حد مهتم فا بالفعل فى ناس كتيره هنا فى المنتدى مبتتكلمش ولا بتقول حاجة غير لو عاوزه حاجة وبس وفيه ناس دخله هنا بقلها سنين والله العظيم ما عملين مساهمه واحده بس توحد ربنا ما علشان كده انا بقولك منكونش احنا صوتنا بيتنبح وانا مليش دعوه بالموضوع وناس تانيه تكون قاعده فى بيتها وكل حاجة تجلها لغايه عندنا انا لو ملقتش العدد كتير المشكلة مش عندى انا زى ما قلتلك فوق بس مش هينفع انا مش هاخد حاجة بس هو دا الطبيعى معلش محدش يزعل منى وانا هنا فى المنتدى بجاوب على قد ما اقدر على ال محتاج حاجة بس انا ملاحظ زى ما بقولك وزى ما انت بتقول يا استاذ عمرو هو فعلا مفيش حد بيرد ولا حد بيتكلم غير لو هو عاوز حاجة غير كده لا وانا عارف كويس اوى مين المصلحجى بتاع نفسو ومبحبش اتكلم معاها ال هو يكون عارف حاجة ومبيجوبهاش خوفا ان الشخص دا يبقى احسن منو دا مع احترامى الشديد ميبقاش انسان اساسا يبقى واحد مغرور او واحده مغروره ان لما يكون حد بيسأل سؤال ومحدش يجاوب عليه ويكون واحده او واحد عارف الاجابة وميجوبش دا يبقى فعلا زى ما قولت وبص يا استاذ عمرو ودى بردو حاجة ترجعلك انت لو عاوز تحول حول احسنلك وافضلك دى نصيح لو تحب وانا من راى حول لكلية زراعه او لكلية اعلام او لكلية دار علوم او لكلية تجارة او لكلية اداب شوف انت ايه الاحسنلك وربنا معاك لان مش هتلاقى حد هنا يقول حاجة كل ال هتشوفو انك تلاقى ناس بتقراء يعنى اعمل موضوع كده وشوف كان واحد هيرض وكام واحد مشاهد يعنى قراء الموضوع اعمل مقارنه فى موضوع من المواضيع هنا انا كنت كتبتها من بدرى الكلام دا ولا مخلوق رد عليه فهمنى بسش بسيط على عدد المشاهدين لقيتو كام تتخيل انت كام 122 مشاهد يعنى 122 قراء الموضوع عاوز تقنعنى ان ال122 واحد دون مفيش حد عارف ايه الرد اتحدى وشكرا فا متستغربش خليك معايا انا والاستاذ محمد لؤى والاستاذ سيد والاستاذ رفعت والاستاذ سمسمه دون اكتر ناس بتخش على المنتدى اما الناس ال بتشارك تانى بس طبعا لسه اول ترم وانا ملتمسلهم العزر الاستاذ شاهى والاستاذ احمد همام والاستاذه هاميس دون لسه اول ترم والحقيقه لو عرفين حاجة بيقولو وشكرا | |
|
| |
عمرو شرف عضو نشيط
عدد المساهمات : 49 معدل النشاط : 55 مكان الامتحان : جامعة المنصوره الكلية : الحقوق الترم : الأول
| موضوع: رد: العيب الوحيد فى مركز جامعة القاهرة للتعليم المفتوح الثلاثاء 11 ديسمبر 2012, 3:42 pm | |
| علي فكره يا جماعه انا عرفت معلومه بالنسبه للموضوع ده ان في طلبه في جامعه المنصوره (تعليم مفتوح) رافعين قضيه علي النقابه وطعن في القرار وان شاء الله هيكسبوها لان القرار هيستند لشروط القبول وتوفرها في المتقدم وكمان سامح عاشور عمل كده ليغطي مصاريف النقابه ويقل من عدد المقيدين في النقابه يعني قرار من دماغه والله الموفق والمستعان ان شاء الله ان الله لايضيع أجر .
| |
|
| |
| العيب الوحيد فى مركز جامعة القاهرة للتعليم المفتوح | |
|