صدق او لا تصدق طب وصيدلة تعليم مفتوح وتقدم وانته معاك دبلوم صنايع . خش قول رأيك

قراءت هذا الموضوع عن طريق الصدفه
وحبيت انقله لكم
تفضلو الموضوع
=================

والله العظيم والورق معايا والى عايزه ممكن ارفعه بعد كده على النت او ابعتهوله

قررت كليه الطب البيطرى جامعه الزقازيق-مصر
ان تفتح اول بكالوريوس طبى فى مصر والعالم العربى (هما الى قيلين كده بالنص )
الشروط 1-ان يكون المتقدم معاه دبلوم صنايع او دبلوم تجارة او دبلوم زراعه او دبلوم او ثانوى ازهرى او ثانوى عام يعنى كله على كله وبدون تقيد باى شروط
2-ان يتمتع التعليم بالغه العربيه!! ولمده اربع سنين بنظام التعليم المفتوح
3- تمنح الكليه بكالوريوس التقنيات البيطريه وكتبين مجالات التخصص ايه حاجات ولا فى الاحلام يعنى نلاقيه بالعافيه او نسمع عنها فى الاحلام فى قناه البحث العلمى فى المراكز البحثيه مثل التكنولوجيه الحيويه والهندسه الوراثيه والبيولوجيا الجزيئه وتكنولوجيا الدواء
والاقسام دى اصلا مش موجوده فى اى كليه علميه من اول طب لحد علوم
يعنى الجماعه دول هينفسونا يا جماعه وهما دول الى حيغيروا الى مغيرهوش اوائل الثانوية العامه الى دخلو طب بيطرى
يعنى تدفع تاخد الى انته عايزه طيب وبعدين مش بعيد نلاقى كمان اربع سنين الثروة الحيونيه انتهت
مش بعيد باقى الكليات والجامعات تغير من الجكايه دى وبكره نلاقى بقى انه فيه طب تعليم مفتوح
انا الصراحه سمعت من زميا فى انه الحكايه دى ناويين يعملوها فى صيدله القاهرة على العموم
حتى لو مش هيعملوها مش بعيد بكرة نلاقى كليه صيدلة جامعه بفقوس او دشنه
تعلن نظام التعليم المفتوح للصيدله والطب وذلك لتحسين مستوى الخرجين ولمواكبه التقدم ولسد ا لعجز الشديد فى هذة التخصصات
هم يضحك وهم يبكى
مستنى رددكم يا جماعه على وعد بالجديد اول باول وان دة حصل (بينى وبنكم) نروح ناخد كام بكالوريوس اهو برده مسيرهم هينفعوا فى اى حاجه واعلقهم عندى فى الشقة الطب جمب الصيدله جمب العلوم مع كام دبلومة وكام ماجستير يعنى ياخونا المفروض الواحد ياخد باله من التطورات الى حولاه يروح يقدم فى شغلانه او حتى اما يعرف حد بيه يقعد يقله دكتور صيدلى كيميائى اخصائى فلان الفلانى

بس الخبر ده جبته منين ؟

وماله الواحد برده كان نفسه يبقي دكتور كده وليه ايمه وسيمه كده Razz

طب ليه مفيش هندسة كمان هههه

اده ايه الخبر الغريب دوت ازى صيدلة تعليم مفتوح

ولا غريب ولا حاجة احنا فى زمن العجيب ممكن يحصل اى شئ بس ده يبقى ظلم لبتوع الثانوية العامة

طبعا يابسمه اكيد ظلم يعنى واحد او واحده يبقو طالع عين ابوهم طول السنة وجيبيبن 96 و97% وواحد جايب 50% ويتساوى بيهم غريبة بس انتى زى العسل يابسمه والله بجد انتى باين عليكى شخصيه محترمه جدا

يا جماعة وجهات نظركم ظلم لبعض فئات المجتمع حط نفسك مكام واحد ظروفة مسمحتش الا انة ياخد دبلوم اى ما كان نوعة بس ربنا كرمة وقدر يعلى مستواة بعد كدة خصوصا لو كان قادرا علميا على كدة ومعلش يعنى ياما دكاترة ومتخرجين من ثانوية عامة ومن مدارس لغات ومترضاش تعالج عندهم عصفورة فبلاش نيجى كدة على الدبلومات محدش يعرف ظروف الناس اية
ملحوظة هاااااامة اوعى حد تسول لة نفسة ويقول الست دى شكلها Laughing

دبلوم وبتدافع عن اصحابها ابداااااااااااااا والله ثانوية عاااااااااااامة وكانت سنة غامة وبعدها جامعة وبئس المصير ولحبى ف اللغات دخلت الجامعة المفتوحة وبكمل اهو
انا بس محبش الظلم باى نوع

هههههههههههه جايز عايزين يعملوا زى برة هناك اى موهل معادل للثانوية ممكن يدخل اى كلية بدون شرط المجموع وهناك كمان اى حد ممكن يدخل اى كلية دون التقيد بمجموع الثانوية لكن هناك اللى عايز يدرس طب مثلا بيبقى فى امتحان الاول ودا بيدلوة كتاب يذاكر احياء ويدخل يمتحن لو نجح فية بيدخل طب

بس هناك عامة مستوى الكليات كويسة والدراسة صعبة عامة بالتوفيق للجميع

,والله من فترة كدة طقت فدماغي اعيد ثانوية عامة وادخل طب بعدها بس لاقيت جوزي بيكشرلي عن انيابة pirat

فخدها من قاصرها

انا مش معترض بس انا بقول مينفعش واحد طلع يعنى فى الثانوية العامة وطلع عينو فى المذاكرة بصفة عامة ويجى واحد او واحد يجيب 50% وفى الاخر يتساوى بيه دى فى بعض الاحيان هتبقى ظلم فهمنى ياجماعة بس والى فى الخير يقدمو ربنا وشكرا

العلم كلماء والهواء يجب الا يحرم منة احد

مع احتراكى لكل الاراء

موضوع مستحيل لان الجامعات المصريه محترمه

ايه المشكلة

لية كاتب العنوان طب والموضوع طب بطري؟؟؟؟؟؟؟؟؟؟

مشكوووووووووووور

متابع

» اداب علم نفس تعليم مفتوح
» اداب علم نفس تعليم مفتوح
» شكاوى خريجي حقوق تعليم مفتوح من نقابة المحامين
» انا مخنوقه من المنتدى
» صورة شهاده مركز جامعة القاهره للتعليم المفتوح { تحب تشوفها خش هنا}